XUVENCIENCIA 2021: Novas miradas docentes

Os membros do GIDEM-TESELA do Campus de Lugo colaboran habitualmente co GID Xuvenciencia na celebración do Campus Xuvenciencia. Na última edición, Campus de Verán Xuvenciencia 2021, que  se celebrou entre o 28 de xuño ao 2 de xullo 2021, ofertamos dentro do programa do campus, conxuntamente con outro profesorado da Facultade de Formación do Profesorado, o proxecto Novas miradas docentes: Outras maneiras de ensinar e aprender. O obxectivo foi que o alumado participante (de entre 16 e 18 anos) experimentase con distintos recursos e metodoloxías empregados polo persoal docente e investigador de distintas áreas do Departamento de Didácticas Aplicadas. En particular, dedicamos un dos días a experimentar a utilidade de GeoGebra para resolver problemas xeométricos.