Rebumbio Matemático

Varias das teselad@s, na súa calidade de membr@s da Asociación Galega do Profesorado de Matemáticas (AGAPEMA) (https://www.agapema.org), colaboran habitualmente na organización de distintas actividades que organiza a asociación nas zonas de Santiago e Lugo.

Unha delas é o Rebumbio Matemático (https://www.agapema.org/rebumbio), unha proposta aberta ao alumnado de 6º de Educación Primaria e centrada na resolución cooperativa de problema, que pretende contribuír á mellora da ensinanza e aprendizaxe da matemática a través do contacto que implica cos centros de ensino. Desenvólvese en  tres fases:

• Na fase de centro, cada docente pon en marcha na súa clase ou clases un proceso cooperativo de resolución de problemas no que participa todo o alumnado, e tras o que debe conformar un equipo de tres estudantes en cada aula para que acuda á seguinte fase.
• Na fase de zona, cada equipo participante, que debe adoptar un nome relacionado coas matemáticas, trata de resolver de xeito cooperativo os distintos problemas matemáticos que se lle formulan.
• Finalmente, os equipos con mellor desempeño en cada zona, participan na fase final resolvendo novos retos matemáticos.

O GIDEM-TESELA colabora no desenvolvemento das fases de zona de Santiago e Lugo, que se celebran na Facultade de Ciencias da Educación (Campus Norte) e no Círculo das Artes, respectivamente.

Na web de AGAPEMA poden consultarse os problemas das últimas edicións e as súas solucións:

https://www.agapema.org/rebumbio/edicions-anteriores